النینوسسٹم مزید خطرناک؛2017 میں موسم تباہ کن ہوگا

اسلام آباد:عالمی حدت میں اضافے نے موسمیات کے النینو سسٹم کو مزید خطرناک بنا دیا۔ سائنس دان کہتے ہیں النینو 2017میں بھی تباہ کن ثابت ہوگا۔ مون سون کی بارشوں کا دیر سے برسنا اور پھر یوں برسنا کہ پانی قابو سے باہر ہوجائے۔۔۔کہیں ہیٹ اسٹروک سے ہلاکتیں تو کہیں برفانی جھیلوں کا پھٹنا یہ سب النینو سسٹم کے اثرات ہیں۔

النینو سسٹم ویسے تو ہر سال آتا ہے لیکن 1998 کی خشک سالی اور 2010  کے سیلاب نے خطرے کی گھنٹی بجا دی۔ ماہرین کا کہنا ہے کہ اس مرتبہ النینو گزشتہ عشروں کی نسبت زیادہ تباہ کن ہوگا۔ ماہرین کے مطابق گزشتہ سال تو گرمی بہت زیادہ تھی، درجہ حرارت بہت تھا اس مرتبہ الٹرا وائلٹ شعاعوں کا اندیشہ ہے کیوں کہ درجہ حرارت بہت بڑھ چکا ہے اور ہیٹ ویوز بھی زیادہ ہونگی۔

سموگ اور شدیدموسم گرما یہ سب النینو ہی کے اثرات تھے ۔ مون سون کی بارشوں میں کمی کا خمیازہ آج ہم آبی قلت کی صورت میں بھی بھگت رہےہیں

النینو کے اثرات کو ختم کرنا تو ممکن نہیں لیکن پیشگی انتظام کرکے ان اثرات کے خطرے کو کم ضرور کیا جاسکتا ہے۔ سماء