بھارت کا مسافر طیارہ حادثے کا شکار

نئی دہلی : گوا میں بھارتی مسافر طیارہ حادثے کا شکار ہوگیا،  حادثے میں متعدد مسافر زخمی ہوگئے۔ بھارتی ذرائع ابلاغ کی جاری کردہ رپورٹس کے مطابق گوا میں بھارتی طیارہ رن وے پر پھسل گیا، حادثے میں پندرہ سے زائد مسافر زخمی ہوئے ہیں۔   ایئرپورٹ حکام کے مطابق طیارہ گوا سے ممبئی جا رہا تھا کہ رن پر حادثے کا شکار ہوا، ایئرلائن ترجمان کا کہنا ہے کہ طیارے میں 157 مسافر اور عملے کے 7 اراکین سوار تھے۔ زخمی مسافروں کو ابتدائی طبی امداد کیلئے اسپتال منتقل کردیا گیا ہے، جنہیں بعد ازاں متبادل پرواز کے ذریعے منزل تک روانہ کیا جائے گا۔ سماء