خواجہ آصف کی غلط خبر، اسرائیل کو حملے کی دھمکی دیدی

اسلام آباد : وزير دفاع پاکستان خواجہ آصف کو غلط خبر سے غلط فہمي ہوئي اور اسرائيل کو دھمکي دے ڈالي ۔ امريکي اخبارنيويارک ٹائمز نے وضاحتي رپورٹ شائع کردي۔ ايسا لگتا ہے کہ وزيردفاع پاکستان خواجہ آصف جعلي خبر پڑھ کر اسرائيل کو نيوکلئير حملے کي دھمکي دے بيٹھے۔ امريکا کے اخبار نيويارک ٹائمز نے وزير دفاع خواجہ آصف کے ٹوئيٹ بيان پر وضاحتي رپورٹ شائع کردي۔ رپورٹ کہتي ہے کہ خواجہ آصف نے جمعہ کو جعلي خبر پر اسرائيل کو نيوکلئير حملے کي دھمکي دے ڈالي، اے ڈبليو ڈي نيوز ڈاٹ کام پر اسرائيلي وزير دفاع کا جعلي بيان چھاپا گيا کہ اگر پاکستان کسي بھي بہانے فوج شام بھيج رہا ہے ، تو ہم پاکستان کو نيوکلئير حملہ کر کے تباہ کرديں گے۔ ادارے کے مطابق يہ خبر بالکل جعلي تھي، يہاں تک کہ موجودہ کي جگہ سابق اسرائيلي وزير دفاع موشے يالون کے نام سے بيان شائع کيا گيا۔ اسرائيلي وزارت دفاع خبر کے جعلي ہونے کي باقاعدہ تصديق کرچکي ہے۔ نيويارک ٹائمز نے ديگر واقعات کي مثاليں ديکر واضح کيا کہ اس نوعيت کي جعلي خبريں تباہ کن ہوسکتي ہيں۔ سماء