فلسطین میں یہودی بستیوں کی تعمیر روک دی گئی

بیت المقدس : اقوام متحدہ کی سلامتی کونسل نے فلسطین میں یہودی بستیوں کی تعمیر روکنے کی قرارداد منظور کرلی ہے۔ غیر ملکی خبر رساں ایجنسی کی جانب سے رپورٹ کے مطابق اقوام متحدہ کی سلامتی کونسل نے فلسطین میں یہودی بستیوں کی تعمیر روکنے کی قرار داد منظور کرلی۔ قرارداد میں کہا گیا ہے کہ اسرائیل فلسطین کے علاقے میں نئی بستیوں کی تعمیر روک دے۔ 15 رکنی کونسل میں نیوزی لینڈ، ملائیشیا، وینزویلا اور سینیگال نے قرارداد پیش کی۔ قرارداد کے حق میں 14 ووٹ آئے جبکہ امریکہ نے ووٹنگ میں حصہ نہیں لیا۔ اسرائیل نے امریکہ سے کہا تھا کہ وہ قرار داد کو ویٹو کر دے مگر ایسا نہیں ہوا۔ سماء