کمبیٹ کمانڈرز گریجویشن تقریب،طارق وحیدبہترین کمبیٹ کمانڈرقرار

سرگودھا : پاکستان ایئر فورس کمبیٹ کمانڈرز اسکول میں گریجویشن تقریب کا انعقاد، اسکوارڈن لیڈر طارق وحید نے بہترین کمبیٹ کمانڈرکی ٹرافی حاصل کی۔ ترجمان پاک فضائیہ کی جانب سے جاری بیان کے مطابق سرگودھا میں ایئر فورس کمبیٹ کمانڈرز اسکول کی گریجویشن تقریب کا انعقاد ہوا ہے، جس میں ایئرچیف مارشل سہیل امان نے بطور مہمان خصوصی شرکت کی اور فارغ التحصیل افسروں میں سرٹیفیکیٹس اور ٹرافیاں تقسیم کیں۔ ترجمان پاک فضائیہ کے مطابق ایئر فورس کمبیٹ کمانڈرز اسکول میں اسکوارڈن لیڈر طارق وحید نے بہترین کمبیٹ کمانڈرکی ٹرافی حاصل کی اور اسکوارڈن لیڈر عمران خان نے بہترین کمبیٹ کنٹرولر کی ٹرافی حاصل کی۔ اس موقع پر ایئرچیف سہیل امان کا تقریب سے خطاب کرتے ہوئے کہنا تھا کہ وطن عزیز کی خودمختاری کا تحفظ پاک فضائیہ کی اولین ذمہ داری ہے اور پاک فضائیہ ہرقسم کے خطرات میں ہر اول دستے کا کردار ادا کرتی ہے۔ انہوں نے شرکا کے عزم اور پیشہ ورانہ صلاحیتوں کوبھی سراہا اور فارغ التحصیل افسران میں انعامات تقسیم کیے۔ سماء