سونے کے نرخ 10 ماہ کی کم ترین سطح پر

لندن : یورپ اور ایشیاء میں سونے کے نرخ استحکام کے باوجود 10 ماہ کی کم ترین سطح پر آگئے ہیں۔ غیر ملکی خبر رساں ایجنسی کی جانب سے جاری رپورٹ کے مطابق یورپ اور ایشیاء میں سونے کے نرخ استحکام کے باوجود 10 ماہ کی کم ترین سطح پر رہے جس کی وجہ امریکی فیڈرل ریزرو کی جانب سے قرضوں پر سود کی شرح میں اضافے کا امکان اور ڈالر کی شرح تبادلہ میں تیزی ہے۔ لندن مارکیٹ میں اسپاٹ گولڈ کے نرخ 0.3 فیصد بڑھ کر 1131.10 ڈالر فی اونس رہے۔امریکی سونے کے سودے 0.3 فیصد بڑھنے کے بعد 1133.5 ڈالر فی اونس طے پائے۔ ایشیاء میں اسپاٹ گولڈ کے نرخ 0.5 فیصد بڑھ کر 1122.35 ڈالر فی اونس رہے۔امریکی سونے کے سودے 0.5 فیصد بڑھنے کے بعد 1135.90 ڈالر فی اونس طے پائے۔ سماء