اسپیکر ایاز صادق سے سوئیڈن کی سفیر کی ملاقات

اسلام آباد : اسپیکر قومی اسمبلی سردار ایاز صادق سے سویڈن کی سفیر نے ملاقات، ملاقات میں دوطرفہ تعلقات اور باہمی دلچسپی کے امور پر تبادلہ خیال کیا گیا۔ اسپیکر قومی اسمبلی سردار ایاز صادق سے بدھ کو پارلیمنٹ ہاﺅس میں سویڈن کی سفیر مس انگریڈ جانسن نے ملاقات کی جس میں دوطرفہ تعلقات اور باہمی دلچسپی کے امور پر تبادلہ خیال کیا گیا۔ اس موقع پر سردار ایاز صادق نے گفت گو کرتے ہوئے کہا کہ پاکستان سویڈن کے ساتھ دوستانہ تعلقات کو بڑی اہمیت دیتا ہے۔ پارلیمانی روابط کو فروغ دے کر دوطرفہ تعلقات کو مزید وسعت دی جا سکتی ہے۔ انہوں نے کہا کہ دونوں ممالک کے اراکین پارلیمنٹ دونوں اقوام کو قریب لانے میں اہم کردار ادا کر سکتے ہیں۔ اس موقع پر سویڈن کی سفیر نے خیرسگالی کے جذبات کے اظہار پر شکریہ ادا کیا اور پارلیمانی روابط کو فروغ دے کر دونوں ممالک کے دوستانہ تعلقات میں مزید وسعت لانے پر اتفاق کیا۔ سماء