اسپیکرکی وارننگ ، تحریک انصاف کے لیے بری خبر آگئی

اسلام آباد: قومی اسمبلی سے مسلسل غیر حاضری پر پی ٹی آئی والوں کو رکنیت کے لالے پڑ سکتے ہیں، دھیمے لیجے والے اسپیکر نے تڑی لگا دی ۔

پارلیمنٹ ہاؤس میں اسپیکر ایاز صادق نے صحافیوں سے غیررسمی گفتگو کرتے ہوئے کہا کہ پی ٹی آئی ارکان کی مسلسل 40 روزغیرحاضری کا معاملہ قواعد کے مطابق اٹھانے کا اعلان کردیا ساتھ ہی کہا کسی کے اسپیکر نہ ماننے سے انہیں کوئی فرق نہیں پڑتا ہے وہ ایوان کے منتخب آئینی کسٹوڈین ہیں ۔

سردار ایاز صادق نے شیخ رشید کے متعلق کہا ٹی وی چینلز پر وہ اپوزیشن کا رول نبھاتے ہیں اور چیمبر میں آکر گلے لگ جاتے ہیں ، انہوں نے نام لیے بغیر یہ بھی کہہ دیا کہ ایک رکن ایوان میں وزیر اعظم، اپوزیشن لیڈر اور پارلیمانی رہنماؤں سے بھی پہلے بات کرنا چاہتا ہے ۔

اسپیکر نے کہا پورے ہاؤس پرمشتمل کمیٹی اور پبلک پیٹیشن قومی اسمبلی کے قواعد میں شامل نہیں ۔

انہوں نے اسمبلیوں کی بہتر کارکردگی کیلیے پارلیمانی رپورٹرز سے مشورے بھی مانگے اور میڈیا کو معاملہ پیمرا میں بھجوائے جانے سے پہلے خود احتسابی کرنے کا مشورہ بھی دے ڈالا ۔ سماء