لاہور،دو روز قبل لاپتا ہونے والے ذہنی معذورنوجوان کی لاش برآمد

لاہور : لاہور میں دو روز پہلے لاپتہ ہونے والے نوجوان کي لاش گندے نالے سے مل گئي، سر اور چہرے پر تشدد کے نشانات موجود ہيں۔ پوليس نے تفتيش شروع کردي۔ کوٹ لکھپت کا 18 سالہ ثاقب فيکٹري سے واپسي پر لاپتا ہوا تھا، تاہم دو روز بعد لاش مل گئي۔ مقتول تھوڑی ذہنی معذوری کا شکار تھا اور فیکٹری میں مزدوری کرتا تھا، ثاقب کي لاش گندے نالے سے ملنے کي اطلاع ملی تو مقامي پوليس نے ورثاء کو بھی آگاہ کردیا۔ اہل خانہ کا کہنا ہے کہ ان کي کسي سے کوئي دشمني نہيں تھی۔ پوليس کے مطابق ثاقب کي گمشدگي کا مقدمہ تھانہ کوٹ لکھپت ميں درج ہے، انويسٹي گيشن ونگ واقعہ کي تفتيش کرے گا۔ مقتول ثاقب کي لاش پوسٹ مارٹم کے ليے منتقل کردي گئي ہے۔ سماء