اسلام آباد : وزیر دفاع خواجہ آصف نے ڈھکے چھپے الفاظ میں کپتان کو بیرونی ملک دشمن طاقتوں کا ایجنٹ قرار دیتے ہوئے کہا ہے کہ عمران خان اسلام آباد پر حملہ کرنے والے ہیں، بھارت ہو یا افغانستان یا پھر عمران خان تینوں پاکستان کے خلاف کام پر آمدہ رہتے ہیں۔ سماجی رابطے کی ویب سائٹ ٹوئٹر نے ہر ایک کو دل کی بھڑاس نکالنے کی سہولت فراہم کردی، سیاسی رہنما ہو یا اداکار ہر دل جلا یہاں مخالفین کو آڑے ہاتھوں لے لیتا ہے، اور ایسا ہی کچھ کیا دفاع کے وزیر نے۔

India attacks LOC & working boundary.Quetta &Peshawar attacked frm Afghanistan. IK preparing to attack Islamabad ..Accidental coordination?

— Khawaja M. Asif (@KhawajaMAsif) 25 October 2016

خواجہ آصف کی جانب سے ایک بار پھر کپتان اور ان کی کپتانی پر وار کرتے ہوئے کہا ہے کہ یہ کیا عجب اتفاق ہے کہ ایک جانب تو بھارت لائن آف کنٹرول پر حملہ آور ہے تو افغانستان دہشت گردوں کے ذریعے پاکستان پر حملے کر رہا ہے تو دوسری جانب عمران خان وفاقی دارالحکومت پر حملہ کرنے والے ہیں، کیا یہ حادثاتی اتفاق ہے یا ان کا آپس میں کوئی کوآرڈینیشن ہے؟؟۔   اب اس کو خواجہ آصف کی معصومیت بولیں کہ ناقص معلومات کہ وہ دل کی بھڑاس ایسی ٹوئٹس سے نکالنے لگے ہیں۔ سماء