یمن میں جنازےپرحملہ،سعودی عرب نےغلطی کااعتراف کرلیا

2016511234439270 ریاض : سعودی اتحادی فورسز نے یمن میں جنازے پر غلطی سے حملہ کرنے کا اعتراف کرلیا، سعودی حکام کا کہنا تھا کہ غلط معلومات پر جنازے کو نشانہ بنایا۔ غیر ملکی خبر رساں ایجنسی کے مطابق گزشتہ ہفتے یمن میں ہونے والے جنازے پر حملے سے متعلق سعودی عرب نے اپنی غلطی کا اعتراف کرلیا، سعودی عرب کا کہنا ہے کہ ناقص اور غی مصدقہ اطلاعات پر جنازے کو نشانہ بنایا گیا، جس پر افسوس ہے۔ Saudi-airstrike-explosion-in-Yemen سعودی حکومت کے مطابق سنگین غلطی میں ملوث عناصر کا ہر صورت پتا لگایا جائے گا اور انہیں سزا دی جائے گی، جب کہ اس موقع پر متاثرہ خاندانوں کو معاوضہ دینے کا بھی اعلان کیا گیا۔ یہاں یہ بات بھی قابل ذکر ہے کہ انیس ماہ سے جاری کشیدگی اور جنگ میں یہ بمباری اب تک کی سب سے بڑی کارروائی تھی، دونوں ممالک کے درمیان جاری اس جنگ میں اب تک چھ ہزار سے زائد افراد لمقہ  اجل بن چکے ہیں۔ yemen-air-strikes پریس کانفرنس کے دوران سعودی حکام نے حملے کی پیشگی اطلاع دینے اور جنگ سے متعلق حکمت عملی کو ازسر نو ترتیب دینے کا بھی اعلان کیا، تاکہ آئندہ ایسے حادثات سے بچا جا سکے۔ واضح رہے کہ آٹھ اکتوبر کو ہونے والے اس حملے میں ایک سو چالیس افراد زندگی سے ہاتھ دھوبیٹھے تھے۔ فضائی کارروائی ہوتی رہنما کے والد کے جنازے کے موقع پر کی گئی تھی، جس میں پانچ سو پچیس افراد زخمی ہوئے، جس میں سے تین سو سے زائد افراد کی حالت تشویش ناک ہے۔ عمان کی جانب سے ایک سو پچاس زخمی افراد کو عمانی طیارے کے ذریعے اسپتالوں میں منتقل کیا گیا، واقعہ پر اقوام متحدہ اور ایچ آر ڈبلیو نے بھی شدید مذمت کی تھی۔ سماء

APOLOGY

FUNERAL

SAUDIA ARAB

airstrike

Huthi

Tabool ads will show in this div