رینجرز کارروائیاں ایم کیوایم کو دیوار سے لگانے کےمترادف ہیں،انسانی حقوق

Uited Nations ایچ آر سی پی کی جانب سے تازہ رپورٹ میں جبری گمشدگیوں پر تشویش کا اظہار کرتے ہوئے کہا گیا ہے کہ جبری گمشدگی کے واقعات میں مسلسل اضافہ ہو رہا ہے، جب کہ شہر میں رینجرز کو حال اختیارات اور خاص سیاسی جماعت کے خلاف ان کی کارروائیوں جماعت کو دیوار سے لگانے کے مترادف ہیں۔ ہیومن رائٹز کمیشن آف پاکستان (ایچ آر سی پی) کی جانب سے ہفتہ کو جاری پریس ریلیز کے مطابق ایچ آر سی پی کی حالیہ میٹنگ کا انعقاد کراچی کی صورت حال دیکھتے ہوئے شہر قائد میں کیا گیا۔ Enforced Disapp-Rangers پریس ریلیز کے مطابق رواں ماہ کراچی میں جاری رینجرز آپریشن کو تین برس مکمل ہوگئے ہیں، اور اس میں کوئی شک نہیں کہ اس دوران رینجرز کی کاررئیواں اور آپریشن کے باعث شہر کی مجموعی امن و امان کی صورت حال پہلے کے مقابلے میں کافی بہتر ہوئی ہے۔ پریس ریلیز کے مطابق رینجرز کی کاررئیواں کے بدولت کراچی میں بھتہ خوری کے واقعات اور ٹارگٹ کلنگ میں بھی نمایاں کمی دیکھنے میں آئی ہے، تاہم یہ ایک المیحہ ہے کہ اتنے اقدامات کے باوجود شہر میں مسخ شدہ لاشیں ملنے کا سلسلہ اور ماورائے عدالت قتل کے کیسز میں کوئی کمی واقع نہ ہوسکی۔ 1280x720-RQg ایچ آر سی پی کے مطابق یہ بات باعث تشویش ہے کہ اتنے اہم اور سنجیدہ نوعیت کے مسئلے کے حل کیلئے کوئی خاطر خواہ اقدامات سامنے نہ آسکے اور نہ اس کیسز سے متعلق کوئی تفتیش کی گئی۔ Part-NIC-Nic6343103-1-1-0 شہر میں جبری گمشدگی، اغوا کے کیسز میں اضافہ ہوا ہے، جب کہ یہ بات بھی سامنے آئی ہے کہ زبردستی اٹھائے جانے والے یا اغوا کیے جانے والے افراد میں زیادہ تعداد ان لوگوں کی ہے جو کسی نہ کسی سیاسی جماعت سے وابستہ ہوتے ہیں۔ 1471938224_pakistan-karachi-protest اس موقع پر پاکستان میں حقوق انسانی کے سرگرم تنظیم نے حکومت سے مطالبہ کیا ہے کہ اس پیچیدہ مسئلے کو حل کیا جائے۔ ایچ آر سی پی کی جانب سے جاری بیان میں اس بات کا بھی ذکر کیا گیا ہے کہ اقوام متحدہ میں انسانی حقوق اور جبری گمشدگی سے متعلق درج کرائی گئی درخواست میں اکثر تعداد اور شکایات ان لوگوں کیں ہیں، جن کا تعلق متحدہ قومی موومنٹ (ایم کیو ایم ) سے ہے۔ شہر میں سیاسی معاملات پر رینجرز کے بڑھتے اثرو رسوخ اور اختیارات پر  تشویش کا اظہار کرتے ہوئے انسانی حقوق کی تنظیم کا کہنا تھا کہ رینجرز کے اقدامات کے باعث ایم کیو ایم کو دیوار سے لگایا جا رہا ہے۔ 5630aeeecf0cd ایم کیو ایم سمیت مختلف سیاسی جماعتوں کے عسکری ونگز کافی عرصے سے خاموش ہیں، اور ان کی جانب سے کوئی کارروائیاں نہیں کی جا رہیں، تاہم اس معاملے پر بھی کوئی قانونی تقاضے پورے نہیں کیے گئے۔ انسانی حقوق کی تنظیم کے مطابق لوگوں کی جانب سے کراچی آپریشن پر سوالات اور اس کے نتائج جاننا ان کا حق ہے اور اس سلسلے میں گرفتار اور مشکوک افراد سے متعلق کارروائی اور صورت حال کو عوام کے سامنے لایا جائے۔ ایچ آر سی پی نے اس موقع پر اس بات پر بھی افسوس کا اظہار کرتے ہوئے کہا گیا ہے کہ کراچی میں سول حکومت اور انتظامیہ کو بہتر طور پر اختیارات تخویض نہیں کیے گئے۔ 5630adf04de7b شہر قائد جیسے بڑے شہر میں عوامی نمائندوں اور نمائندگی کی کمی نے نہ صرف انتظامی صورت حال کو ابتر بنایا ہے بلکہ اس سے شہر کی مجموعی صورت حال پر بھی منفی اثرات مرتب ہوئے ہیں۔ ڈسٹرکٹ سطح پر کوئی انتظامیہ اور انتظامی ڈھانچہ نہ ہونے کے باعث شہر میں صفائی ستھرائی کی صورتحال بھی اندوہناک حد تک بری ہے، جب کہ شہر میں ٹریفک کا نظام بھی دن بہ دن خراب سے خراب تر ہوتا جا رہا ہے، دوسری جانب بے روزگاری،خوراک، صحت اور امن و امان کی صورت حال بھی تسلی بخش نہیں۔ تنظیم کے مطابق لوکل گورنمنٹ کو فعال کرنے اور اختیارات کو نچلی سطح تک منتقل کرنے تک شہر کی صورت حال میں بہتری کی کوئی توقع نہیں۔ سماء

HEALTH

Local Govt

Tabool ads will show in this div