واہگہ سانحہ،ڈی آئی خان کی کیپٹن شمائلہ،شوہر،دوبچے،بھانجی بھی جاں بحق

اسٹاف رپورٹ

ڈیرہ اسماعیل خان  :   واہگہ بارڈر کے قریب دھماکے میں ڈیرہ اسماعیل خان کا ایک آشیانہ بھی اجڑ گیا، جاں بحق ہونے والوں میں کیپٹن شمائلہ اُن کے شوہر۔ دو بچے اور بھانجی شامل ہیں۔

سانحہ واہگہ باڈر میں ڈیرہ اسماعیل خان کے ایک ہی خاندان کے پانچ افراد بھی زندگی سے منہ موڑ گئے،  کیپٹن شمائلہ نند سے ملنے لاہور گئی تھیں۔ شوہر ندیم،، چار سالہ ہانیہ ،، چھ ماہ کی عنایا اور چودہ سال کی بھانجی رمشا کے ہمراہ واہگہ بارڈر پریڈ دیکھنے گئے لیکن واپس نہیں لوٹے۔  گھر والوں کی تو جسی دنیا ہی اجڑ گئی۔

کیپٹن شمائلہ کی پانچ سال پہلے شادی ہوئی،  دو ہزار چار میں کمیشن کا امتحان پاس کیا اور دو ہزار نو میں پاک آرمی میڈیکل کور کو جوائن کیا۔ تین ماہ پہلے کیپٹن کے عہدے پر ترقی پائی اور  سی ایم ایچ راولپنڈی میں تعینات تھیں۔اہل خانہ کا بس یہی سوال ہے کہ کہ آخر کیپٹن شمائلہ اورسانحہ واہگہ میں جاں بحق دیگر افراد کا قصور کیا تھا۔ سماء