سلمان خان پاکستان ہجرت کرجائیں

نئی دہلی: بھارت کواخلاقیات کا درس دینے پرانتہا پسند ہندو جماعت شیوسینا نے سلمان خان کو پاکستان ہجرت کرجانے کا مشورہ دے دیا۔ ہندو انتہا پسند جماعت کی رہنما منیشا کیاندے نے پاکستانی فن کاروں کو دہشتگرد نہ کہنے پرسلمان خان کو خوب تنقید کا نشانہ بناتے ہوئے کڑی زبان استعمال کی۔

Salman Khan needs to be taught a lesson, if he has so much love for Pakistani artists, he should migrate to Pak: Manisha Kayande,Shiv Sena pic.twitter.com/7FxRYYiANf

— ANI (@ANI_news) October 1, 2016

بھارتی ذرائع ابلاغ کے مطابق منیشا کیاندے کا کہنا ہے کہ سلمان خان کو سبق سکھانے کی ضرورت ہے۔ اگر ان کے دل میں پاکستانی فنکاروں کے لیے اتنا ہی پیار ہے تو انہیں پاکستان ہجرت کر جانا چاہیئے۔

سلمان خان کو سبق سکھانے کا درس دینے والی انتہا پسند ا منیشا کیاندے نےاڑی حملے کے بعد اپنے ٹوئٹر پیج پر تنقیدی پیغام دیا تھا کہ اڑی حملہ ، مودی کی سالگرہ پر ان کیلئے پاکستان کی طرف سے تحفہ ہے۔

Uri attack...Pakistan's gift to Modiji on his birthday

— Manisha S Kayande (@manishaskayande) September 18, 2016

بعد میں ایل او سی پرجھوٹے سرجیکل اسٹرائک کے دعوے کے بعد یہی منیشا کیاندے ٹوئٹر پر بھارتی فوج  کے گن گاتی اور مودی کو مبارکباد دیتی نظر آئیں ۔ اسے کہتے ہیں اونٹ رے اونٹ ، تیری کون سی کل سیدھی۔

Proud of our army.. soldiers ,officers their Troup leaders. .I congratulate Prime Minister Shri Narendra Modi #SurgicalStrike — Manisha S Kayande (@manishaskayande) September 29, 2016

واضح رہے کہ ایک تقریب کے دوران دبنگ سلمان خان نے کہا تھا کہ دہشت گرد اور فنکار میں فرق ہوتا ہے، فنکار دہشت گرد نہیں ہوتا۔

سلمان خان نے حالیہ پاک بھارت کشیدگی کے بعد بھارت کی جانب سے پاکستانی فنکاروں پر پابندی اور متعصبانہ بیانات سے متعلق سوال پر جواب دیتے ہوئے کہا تھاکہ پاکستانی فن کارحکومت کے پرمٹ اور ویزے پر بھارت آتے ہیں، پاکستانی فنکار دہشت گرد نہیں۔ سماء