جماعت اسلامی نے حکومت کو گھر بھیجنے کا پلان بنالیا

لاہور : امیر جماعت اسلامی نے کرپشن کیخلاف تحریک تیز کرنے کا اعلان کردیا، سراج الحق کہتے ہیں کرپٹ حکمرانوں سے جلد چھٹکارا ملنا چاہئے۔

امیر جماعت اسلامی سراج الحق نے منصورہ میں گفتگو کرتے ہوئے کہا کہ عید کے بعد کرپشن کیخلاف تحریک تیز کریں گے، کرپٹ حکمرانوں سے جلد چھٹکارا ملنا چاہئے، حکومت کرپشن اور پاناما پر کمیشن بنانے میں ناکام ہوگئی، سب سے زیادہ کرپشن حکومتی صفوں میں ہورہی ہے۔

ان کا کہنا ہے کہ حکومت کرپشن کو ختم نہیں کرنا چاہتی، نیب کے پاس 150 میگا کرپشن کیس فائلوں میں بند پڑے ہیں، حکومتی ناکامیوں سے نظر آتا ہے انہیں جانے کی جلدی ہے۔ سماء