مردم شماری کیلئے تاحال وسائل دستیاب نہیں،باجوہ

اسلام آباد : چیف شماریات کا کہنا ہے کہ کوشش ہوگی کہ اسی سال مردم شماری ممکن ہوسکے، تاہم گی الحال اتنے وسائل دستیاب نہیں کہ فوری مردم شماری ہوسکے۔ اسلام آباد میں چھٹی مردم شماری پر بریفنگ دیتے ہوئے چیف شماریات آصف باجوہ کا کہنا تھا کہ دہشت گردی کیخلاف جنگ کے باعث مردم شماری ملتوی کی گئی، مردم شماری کیلئے تین لاکھ کے قریب فوجی جوان درکار تھے،جو دستیاب نہیں ہوسکے۔ آصف باجوہ کا کہنا تھا کہ کوشش ہوگی کہ اسی کلینڈر سال میں مردم شماری ہوجائے، مردم شماری سے پہلے سیکیورٹی مسائل حل کرنا ہوں گے، عملے اور سامان کی سیکیورٹی یقینی بنانا ضروری ہے،جب کہ افغان مہاجرین کا مسئلہ بھی مردم شماری سے پہلے حل کرنا لازمی ہوگا۔ سماء