آسٹریلوی بلے باز عثمان خواجہ کا ریچل مکلین سے منگی کا اعلان

سڈنی : پاکستانی نژاد آسٹریلوی بلے باز عثمان خواجہ نے اپنی دوست ریچل مکلین سے منگنی کا اعلان کردیا، سوشل میڈیا پر دونوں کی جانب سے تصویر بھی جاری کردی گئی۔ آسٹریلوی بلے باز عثمان خواجہ ان دنوں ٹیم کے ہمراہ سری لنکا کے دورے پر ہیں، جہاں سے انہوں نے تصاویر ایپ انسٹا گرام پر اپنی منگنی کی خبر مداحوں تک پہنچائی۔ ریچل کے ساتھ کھینچی گئی تصویر کو انسٹا گرام پر پوسٹ کرتے ہوئے عثمان خواجہ کا کہنا تھا کہ "مجھے یہ اعلان کرتے ہوئے خوشی ہے کہ میری مچل مک کلین سے منگنی ہوچکی ہے"۔

Extremely excited to announce. I liked it, so I put a ring on it. With God's will rachelmclellan… https://t.co/IUyeatVIyT

— Usman Khawaja (@Uz_Khawaja) 15 July 2016

دوسری طرف ریچل کی جانب سے بھی اپنے اکاؤنٹ پر تصویر شیئر کرتے ہوئے ان کا کہنا تھا کہ "نیویارک میری توقعات سے بھی زیادہ بہتر تھا کیونکہ عزی (عثمان) نے مجھے شادی کی پیش کش کی اور میں نے ہاں کردی۔ سوشل میڈیا پر اپنے پیغام میں ریچل نے مزید کہا کہ اس لڑکے کے ساتھ زندگی گزارنے کیلئے مزید انتظار نہیں کرسکتی، واضح دونوں نے منگنی کا فیصلہ نیویارک میں چھٹیاں گزارنے کے دوران کیا۔ عثمان خواجہ نے ورلڈ ٹی ٹوئنٹی 2016 سے قبل بھارت کے خلاف ٹی ٹوئنٹی میں ڈیبو کیا تھا، عثمان خواجہ اب تک ٹی ٹوئنٹی میں سات میچز کھیل چکے ہیں، جب کہ وہ آسٹریلیا ٹیم  کے ہمراہ سری لنکا کے خلاف تین ٹیسٹ، پانچ ون ڈے اور دو ٹی ٹوئنٹی میچ کھیلیں گے، سیریز کا آغاز رواں ماہ چھبیس جولائی سے پالی کیلے میں ہوگا۔ سماء