قندیل بلوچ کو قتل کردیا گیا

Jul 16, 2016

Qandeel Baloch Aslive 1400 New 01-05

[video width="640" height="360" mp4="http://i.samaa.tv/wp-content/uploads/sites/11//usr/nfs/sestore3/samaa/vodstore/urdu-digital-library/2016/07/Multan-Qandeel-Pkg-16-07-ZOHAIB.mp4"][/video]

ملتان: نت نئے بیانات اور فیس بک پر اپنی متنازع ویڈیوز سے شہرت حاصل کرنے والی ماڈل قندیل بلوچ کو قتل کردیا گیا۔

قندیل بلوچ عید الفطر سے دو روز قبل ملتان کے علاقے مظفرآباد میں شیر شاہ روڈ پروالدین کے ساتھ رہائش پزیر تھیں۔ جہاں  بھائی نے انہیں قتل کیا۔ بھائی کی ملتان میں موبائل فون کی دکان ہے۔ ملزم نے رات  والدین کے ساتھ ہی گزاری اور رات کے پچھلے پہر بہن کا گلا دبا کر فرارہوگیا۔

CPO Azhar Akram Sot 1200 16-07

سی پی او ملتان اظہر اکرم نے سماء سےبات کرتے ہوئے بتایا کہ قندیل کو ان کے بھائی نے گلا دبا کرقتل کیا۔ لاش پر کسی قسم کے تشدد یا فائرنگ کے نشانات نہیں ہیں۔ مزید تفتیش کے لیے فارنزک شواہد اکٹھے کیے جا رہے ہیں۔ انہوں نے بتایا کہ جب گھر والے سو کر اٹھے تو ملزم موجود نہیں تھا۔

سی پی او کے مطابق پولیس کو قندیل بلوچ کے قتل کی اطلاع ان کے والد نے دی۔ والد نے بتایا کہ ان کے بیٹے نے قندیل کا گلا گھونٹ دیا ہے۔

دوسری جانب علاقے کے لوگوں نے سماء سے بات کرتے ہوئے بتایا کہ ہم قندیل کے والدین کو نہیں جانتے نہ ہی ہمارے علم میں ہے کہ یہ لوگ کب سے یہاں رہائش پزیر ہیں۔

مزید پڑھیے: قندیل بلوچ کے قتل کا مقدمہ بھائی کے خلاف درج

ترجمان پنجاب پولیس نبیلہ غضنفر نے سماء سے بات کرتے ہوئے بتایا کہ ابتدائی اطلاعات کے مطابق قندیل بلوچ کوان کے بھائی نے قتل کیا۔ مزید تحقیقات کی جا رہی ہیں۔ آئی جی پنجاب مشتاق سکھیرا نے معاملے کا نوٹس لے لیا ہے۔

Qandeel Baloch mufti Abdul Qavi leaked Video

قندیل بلوچ کو ماہ رمضان میں مفتی عبدالقوی سے ملاقات کر کے سیلفیز سماجی رابطوں کی ویب سائٹ پر اپ لوڈ کرنے کے بعد مختلف حلقوں کی جانب سے شدید تنقید کا سامنا کرنا پڑا تھا۔  سیلفیز اورویڈیوز منظر عام پر آنے کے بعد مفتی عبد القوی کو رویت ہلال کمیٹی کی رکنیت سے بھی محروم ہونا پڑا تھا۔

حال ہی میں یہ انکشاف سامنےآیا تھا کہ ماڈل قندیل بلوچ کا اصل نام فوزیہ عظیم ہے، وہ شادی شدہ  اور ایک بچے کی ماں بھی ہیں۔ ان کے سابق شوہر نے میڈیا پرآکر بتایا تھا کہ قندیل بلوچ سے ان کی پسند کی شادی تھی۔

qandeel-baloch-verifies-claims-of-ex-husband-4a92b90dbbbc5e446a0bac22708c129d

کوٹ ادو کے علاقے شیخ عمر کے رہائشی عاشق حسین نے دعویٰ کیا تھا کہ 22 فروری 2008 کو فوزیہ عظیم سےاس کی  شادی ہوئی تھی اور دونوں کا ایک بیٹا بھی ہے۔

عاشق حسین کا دعویٰ تھا کہ قندیل نے کالج میں داخلہ نہ کروانے اور کوٹھی نہ لے کر دینے پر اسے چھوڑ دیا تھا۔ عاشق حسین کے مطابق قندیل پہلے ڈیرہ غازی خان اور پھر دارالامان ملتان چلی گئی تھی۔ عاشق حسین نے میڈیا کو یہ بھی بتایا تھا کہ ملتان  میں ہمارا گیارہ ماہ کا بیٹا بھی قندیل  کے ساتھ تھا جسے 4 جون 2009 کو عدالت میں بیان دے کرقندیل نے میرے حوالے کر دیا تھا۔

qb marriage

ماڈل نے اس بات کی تردید کرتے ہوئے کہا تھا کہ ان کی شادی کم عمری میں زبردستی کرائی گئی تھی، ان کا شوہر انہیں مارتا پیٹتا تھا، وہ آگے بڑھنا چاہتی تھیں اور اپنی تعلیم مکمل کرنا چاہتی تھیں اس لیے انہوں نے شوہر سے طلاق لے لی تھی۔

قندیل بلوچ نے چیئرمین تحریک انصاف عمران خان کو شادی کی پیشکش بھی کررکھی تھی۔

ماڈل کا نام مشہور بھارتی رئیلٹی شو ’’بگ باس‘‘ کے سیزن ٹین کیلئے بھی نامزد کیا گیا تھا۔ سماء

انٹرٹینمنٹ

model Qandeel Baloch

Tabool ads will show in this div