کراچی؛برف خانے کا کمپریسر پھٹنے سے 2 افراد جاں بحق، 3زخمی

کراچی :نیو کراچی کے علاقے میں واقع برف خانے کاکمپریسرپھٹنے سے دو افراد جاں بحق، اور تین زخمی ہو گئے۔

ریسکیوذرائع کے مطابق نیوکراچی انڈسٹریل ایریا میں صبا سینما کے قریب کمپریسرپھٹنے سے برف خانے کی چھت اور آدھے حصے کی دیواریں گر گئیں۔ چھت گرنے سے کارخانے میں موجود افراد ملبے تلے دب گئے۔

چھت کے ملبے تلے دب کر جاں بحق ہونے والے دوافراد کی لاشیں اور تین زخمیوں کو نکال لیا گیا ہے۔

کارخانے سے گیس کے اخراج کے باعث امدادی کاموں میں مشکلات کا سامنا کرنا پڑ رہا ہے۔ کرین کے ذریعے ملبہ ہٹایا جا رہا ہے۔ سماء