نوسوانہترمیگاواٹ نیلم جہلم پن بجلی منصوبہ کب مکمل ہوگا

اسلام آباد : نو سو انہتر میگاواٹ کا نیلم جہلم پن بجلی منصوبہ کب مکمل ہوگا، شاید حکومت خود بھی نہیں جانتی، منصوبے کی مدت تکمیل میں تیسری مرتبہ توسیع کر دی گئی، لاگت بھی چوراسی ارب سے بڑھ کر چار سو چار ارب روپے ہو چکی ہے۔ ایک سال میں توسیع کی ایک تاریخ، تین برسوں میں تین، نیلم جہلم پن بجلی منصوبہ حکومت کیلئے درد سر بن گیا ۔منصوبے کی مدت تکمیل میں تیسری بار توسیع کر دی گئی۔ دستاویز کے مطابق، آغاز میں نیلم جہلم منصوبہ اکتوبر دو ہزار پندرہ میں مکمل کرنے کا دعویٰ ہوا، جسے بعد میں بڑھا کرنومبر 2016 کر دیا گیا، کچھ ماہ بعد منصوبے کی تکمیل کیلئے اگست 2017 کی تاریخ دی گئی اور اب اطلاع یہ ہے کہ منصوبہ 2018 میں پیداوار دے سکے گا۔ ماہرین منصوبے کی مدت تکمیل میں توسیع کی وجہ بین الاقوامی ڈونرز کی جانب سے فنڈز کی عدم فراہمی قرار دیتے ہیں، تاخیر سے منصوبے کی لاگت بھی 84 ارب سے بڑھ کر 404 ارب روپے ہوچکی ہے۔ سماء