پولیس موبائل کے قریب بارودی مواد کا دھماکا،اہلکار شہید

پشاور : پشاور کے علاقے داودزئی میں بم دھماکے سے زخمی پولیس اہلکار شہید، جب کہ تین زخمی ہوگئے۔ پولیس کے مطابق حملےمیں افغان پناہ گزین ملوث ہیں۔ گزشتہ رات پشاور میں چارسدہ روڈ پر پولیس کی موبائل معمول کے گشت پر تھی کہ دہشت گردوں نے سڑک کنارے نصب ریموٹ کنٹرول بم دھماکا کردیا، جس میں ابتدائی طور پر چار پولیس اہلکار زخمی ہوئے، تاہم بعد ازاں ایک اہلکار دوران علاج زخموں کی تاب نہ لاتے ہوئے شہید ہوگیا۔ ایس پی رورل کے مطابق دھماکے میں تین کلو گرام بارودی مواد استعمال کیا گیا، پولیس کا دعویٰ ہے کہ حملے میں افغان پناہ گزین ملوث ہیں۔ سماء