ملکی صورتحال، عمران خان کی فیصلہ سازوں کو مذاکرات کی پیشکش

پاکستان تحریک انصاف کے چیئر مین اور سابق وزیراعظم عمران خان نے ملکی حالات مزید خراب ہونے کی صورت میں معاشرہ پھٹ جائے گا، مذاکرات کا سلسلہ فوراً شروع ہونا چاہیے۔

ویڈیو پیغام میں پاکستان تحریک انصاف کے چیئر مین نے کہا کہ پاکستان کے حالات مزید خراب ہونے کی صورت میں معاشرہ پھٹ جائے گا اور اسی لیے میں بات چیت کی بات کر رہا ہوں۔ ڈنڈوں اور ظلم سے مسائل حل نہیں ہوں گے، جو صرف قانون کی حکمرانی اور اداروں کو مضبوط کر کے ہی ممکن ہے۔

اپنی بات کو جاری رکھتے ہوئے انہوں نے کہا کہ پاکستان میں مذاکرات کا سلسلہ فوراً شروع ہونا چاہیے۔ واضح کرتا ہوں مذاکرات کی پیشکش کو میری کمزوری نہ سمجھا جائے۔

عمران خان نے عوام اور پی ٹی آئی کے کارکنوں اور رہنماؤں کو صبر کی تلقین کرتے ہوئے کہا کہ اس طرح دباؤ کے تحت لوگوں کے جانے سے پارٹیاں ختم نہیں ہوا کرتیں۔ نظریہ زندہ ہے تو پارٹی کو کوئی ختم نہیں کر سکتا۔میں تحریک انصاف نہیں چھوڑ رہا۔

پی ٹی آئی کے چیئر مین نے کہا کہ جب تک میری آخری سانس ہے میں حقیقی آزادی کے لیے جدوجہد کرتا رہوں گا، ملک اس وقت بہت خطرے میں ہے، مجھے اپنے ملک کی فکر ہے، جو لوگ ملکر یہ سب کچھ کر رہے ہیں، انہیں کوئی فکر نہیں، اوپن مارکیٹ میں ڈالر 308 روپے کا ہو گیا ہے، میری حکومت ختم ہونے کے بعد ڈالر 130 روپے گر چکا ہے، اب خطرے کی گھنٹی بجا جانی چاہئیں، بزنس ٹھپ ہو گیا ہے، پی ڈی ایم والوں کو کوئی فرق نہیں پڑ رہا کیونکہ ان کے پیسے باہر پڑے ہیں۔

سابق وزیراعظم نے کہا کہ کور کمانڈر ہاوس پر حملہ ہوا آگ لگی مجھے یہ بات 4 دن بات سپریم کورٹ میں چیف جسٹس سے پتہ چلی میں نے اسی وقت مذمت کی، اب جو پریس کانفرنس کرتا ہے کہ میں فوج کیساتھ ہوں اور 9 مئی کی مذمت کرتا ہوں, 9 مئی کی مذمت کون نہیں کرتا، کوئی بھی نہیں چاہے گا کہ ملک کی فوج کمزور ہو۔