مائیکرو سافٹ کے نئے فون لِنک فیچرسے آئی فون پرسائبر حملوں کا خطرہ

حال ہی میں مائیکرو سافٹ کی جانب سے وِنڈوز 11 میں پیش کیا جانے والانیا فون لِنک فیچرآئی فون پر سائبر حملوں کی وجہ بن سکتا ہے،کیوں کہ اس سے سائبر حملہ آور کسی بھی شخص کا ڈیٹا حاصل کرسکتے ہیں۔

غیرملکی میڈیا رپورٹس کے مطابق اینڈرائیڈ صارفین کافی عرصے سے فون لِنک فیچر کا استعمال کر رہے ہیں اور اس کے ذریعے وائے فائے کو استعمال کرتے ہوئے اپنے اینڈرائیڈ فون کو کمپیوٹر سے جوڑتے ہیں۔

رپورٹس کے مطابق گزشتہ ماہ ٹیکنالوجی کمپنی مائیکروسافٹ نے تمام وِنڈوز 11 صارفین کیلئے آئی او ایس فون لِنک فیچر متعارف کرایا تھا جس کو استعمال کرتے ہوئے صارفین 39 زبانوں میں عالمی سطح پر 85 مارکیٹوں میں آئی میسج کو استعمال کر سکتے ہیں۔

میڈیا رپورٹس کے مطابق ممکنہ سائبر حملہ آور کسی کے بھی آئی فون پر فون لِنک بغیر کسی تنبیہ کے ان کا ڈیٹا حاصل کرنے کیلئے استعمال کر سکتے ہیں اور کسی بھی شخص کے آئی فون میں فون لنک سیٹ اپ کرنے کے بعد اپنے ونڈوز پی سے جوڑ سکتے ہیں اور ان کے علم میں آئے بغیر ان کے آئی میسج اور فون کال پر نظر رکھ سکتے ہیں۔

خیال رہے کہ اس معاملے پر ایپل اور مائیکروسافٹ کی جانب سے کوئی مؤقف سامنے نہیں آیا ہے۔