جونیئر ایشیا کپ، پاکستان نے تھائی لینڈ کو پچھاڑ دیا

عمان کے شہر صلالہ میں جاری جونیئر ایشیاء کپ میں پاکستان نے اپنے دوسرے میچ میں تھائی لینڈ کو صفر کے مقابلے میں 9 گول سے شکست دیدی۔

پاکستان کی جانب سے پہلا گول پہلے کوارٹر کے آخری منٹ میں عبدالحنان شاہد نے دوسرا گول 19 ویں منٹ میں عبدالرحمن نے تیسرا گول 30ویں منٹ میں عبدالوہاب نے چوتھا گول 41ویں منٹ میں پینلٹی کارنر کے ذریعے عبدالرحمن نے پانچواں گول 46 ویں منٹ میں عبدالرحمن نے چھٹا گول 48 ویں منٹ میں لگاتار دوگول کر کے 5 گول سکور کر کے بہترین کارکردگی کا مظاہرہ کیا۔

8واں گول 53 ویں منٹ میں ارباز احمد نے 9واں گول 54 ویں منٹ میں مرتضیٰ یعقوب نے سکور کیا، پلیئر آف دی میچ عبدالرحمن قرار پائے۔

ٹیم کے ہمراہ منیجر و چیف کوچ اولمپیئن حنیف خان، کوچنگ یینل میں آصف احمد خان، اولمپیئن زیشان اشرف، ٹیم کنسلٹنٹ رویلمنٹ آلٹمنس، ویڈیو انالسٹ سید علی عباس، فزیو تھراپسٹ وقاص محمود موجود ہیں۔

ایشیاء جونیئر ہاکی کپ میں شریک ٹیموں کو دو پول میں تقسیم کیا گیا ہے. پول اے میں پاکستان, انڈیا,جاپان, تھائی لینڈ, چائینیز تائی پے جبکہ پول بی میں کوریا , ملائیشیا,عمان,بنگلا دیش اور ازبکستان شامل ہیں۔

پاکستان اپنا تیسرا میچ 27 مئی کو روایتی حریف بھارت جبکہ 29 مئی کو جاپان کیساتھ کھیلے گا۔