فی تولہ سونے کی قیمت میں سینکڑوں روپے کا اضافہ

ملک بھر میں ایک مرتبہ پھر فی تولہ سونے کی قیمت میں سینکڑوں روپے کا اضافہ دیکھا گیا۔

تفصیلات کے مطابق بین الاقوامی مارکیٹ میں فی اونس سونے کی قیمت 23 ڈالر اضافے کے بعد 1982 ڈالر فی اونس ہو گئی ہے۔

عالمی مارکیٹ میں قیمتیں بڑھنے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، ملتان سمیت دیگر جگہوں پر فی تولہ سونے کی قیمت 600 روپے کی بڑھوتری کے بعد 237800 روپے ہو گئی ہے۔

اُدھر دس گرام سونے کی قدر میں 514 روپے کا اضافہ ہوا اور نئی قیمت 203875 روپے ہو گئی ہے۔

تاہم فی تولہ اور دس گرام چاندی کی قیمتوں میں استحکام ریکارڈ کیا گیا اور قیمتیں بالترتیب 2900 روپے اور 2486.28 روپے پر برقرار ہیں۔