پنجاب حکومت کا مختلف کھیلوں کے سمرکیمپ لگانے کااعلان

پنجاب حکومت نے مختلف کھیلوں کے سمر کیمپ لگانے کااعلان کر دیا، جس کے تحت جون سے اگست تک مختلف کھیلوں کےسمر کیمپ نشتر پارک سپورٹس کمپلیکس میں منعقد ہونگے۔

نگران وزیر اعلیٰ پنجاب کے مشیر برائے کھیل وہاب ریاض نے بتایا کہ لاہور کے تمام نجی اور سرکاری سکولوں کو سمر کیمپ میں شرکت کی دعوت دی جارہی ہے، والدین بھی سمر کیمپ کے لئے سپورٹس بورڈ پنجاب کے دفاتر سے رجسٹریشن فارم حاصل کرسکتے ہیں۔

مشیر کھیل پنجاب نے کہا کہ انڈر-8 اور انڈر-14 سطح پر کیمپ منعقد کئے جائیں گے،ہاکی،کرکٹ، اتھلیٹکس، بیڈمنٹن، ٹیبل ٹینس، مارشل آرٹس ، ٹینس، سوئمنگ، آرچری اور جمناسٹک کے کیمپ بھی شامل ہیں۔

انہوں نے کہا کہ محکمہ سپورٹس ماہر کوچز کی خدمات حاصل کررہا ہے، کیمپ میں شرکت کرنے والے کھلاڑی تمام کھیلوں کی تربیت حاصل کرسکتے ہیں،جبکہ حکومت نے جانب سے سمر کیمپ میں کھیلنے کا سامان بھی مہیا کیا جائے گا۔

وہاب ریاض نے کہا سمر کیمپ کا نیٹ ورک پورے پنجاب میں لگایا جائے گا،جس سے گراس روٹ لیول پر ٹیلنٹ کی نشاندہی اور فروغ میں مدد دیں گے۔