جونیئر ہاکی ایشیا کپ، پاکستان اور بھارت کا 27 مئی کو مقابلہ
جونیئر ہاکی ایشیا کپ کا آغاز منگل کو عمان کے شہر سلالہ میں ہوگا جبکہ ٹرافی کی رونمائی پیر کو کی گئی، تمام کپتانوں نے حتمی انعام کے ساتھ پوز کیا، جس کے لیے وہ ایک دوسرے سے کھیلیں گے۔
ایونٹ کا پہلا میچ تھائی لینڈ اور جاپان کے درمیان کھیلا جائے گا جبکہ دن کے دوسرے میچ میں پاکستان کا مقابلہ چائنیز تائپے سے ہوگا۔
پاکستان کو گروپ اے میں روایتی حریف بھارت کے ساتھ رکھا گیا ہے، دونوں سابق چیمپئن 27 مئی کو ایک دوسرے سے کھیلیں گے۔
پاکستان کا مقابلہ 24 مئی کو تھائی لینڈ اور 29 مئی کو اپنے آخری گروپ مرحلے میں جاپان سے ہوگا۔
دوسرے گروپ میں میزبان عمان، ملائیشیا، ازبکستان، جنوبی کوریا اور بنگلہ دیش کے ساتھ ہیں۔
دونوں گروپوں کی دو ٹاپ ٹیمیں سیمی فائنل میں پہنچیں گی جبکہ ایونٹ کا فائنل یکم جون کو کھیلا جائے گا۔
پاکستان اور بھارت نے تین تین بار ٹائٹل جیتا ہے جبکہ جنوبی کوریا اور ملائیشیا نے ایک ایک بار ٹائٹل جیتا ہے۔
2021 میں آخری ایونٹ بنگلہ دیش میں کورونا وائرس وبائی امراض کی وجہ سے منعقد نہیں ہوا تھا جبکہ یہ آخری بار 2015 میں منعقد ہوا تھا جب فائنل میں بھارت نے پاکستان کو شکست دی تھی۔
