آرٹیکل 245 کا نفاذ سپریم کورٹ میں چیلنج

پاکستان تحریک انصاف (پی ٹی آئی) نے ملک بھر میں آرٹیکل 245 کے نفاذ کو سپریم کورٹ میں چیلنج کر دیا ہے۔

پی ٹی آئی کی جانب سے درخواست عمر ایوب نے بیرسٹر گوہر کے توسط سے دائر کی گئی جس میں استدعا کی گئی کہ سپریم کورٹ آرٹیکل 245 کا نفاذ اور اس کے تحت ہونے والا کریک ڈاون کالعدم قرار دے۔

درخواست کے مطابق آرٹیکل 245 کا استعمال سیاسی مقاصد کے لیے نہیں کیا جا سکتا، اس کا نفاذ سیاسی مخالفین کو افواج کے ساتھ لڑانے کے لیے ہے۔ فوجی عدالتوں میں ٹرائل بنیادی حقوق کے خلاف ہے۔

درخواست میں کہا گیا ہے کہ آئین پر شہری کو شفاف اور منصفانہ ٹرائل کا حق دیتا ہے، تاریخ میں کبھی ہزاروں سیاسی کارکنوں اور لیڈرز کا فوجی عدالت میں ٹرائل نہیں ہوا۔

واضح رہے آرٹیکل 245 کے تحت سول انتظامیہ کسی ہنگامی صورت حال یا امن وامان کی صورت حال کو کنٹرول کرنے کے لیے فوج کو طلب کرسکتی ہے۔