سرفراز احمد مصباح الحق اور بابراعظم سے بہتر کپتان قرار

اںٹرنیشنل کرکٹ کونسل (آئی سی سی) ایلیٹ پینل کے سابق امپائر علیم ڈار نے وکٹ کیپر بیٹر سرفراز احمد کو سابق کپتان مصباح الحق اور قومی ٹیم کے موجودہ کپتان بابراعظم سے بہتر قرار دیدیا۔

آئی سی سی کے سابق ایلیٹ پینل امپائر علیم ڈار نے انٹرویو کے دوران سوال ہوا کہ آپ نے کیرئیر میں کس کپتان کو اچھا قرار پایا؟،

اس سوال کے جواب میں انہوں نے بتایا کہ مصباح الحق، شاہد آفریدی، محمد حفیظ اور بابراعظم کی اپنی اپنی صلاحیتیں ہیں لیکن میرا ماننا ہے کہ اگر کسی کے پاس کپتانی کی مہارت تھی تو وہ سرفراز احمد تھے۔

اپنی بات کو جاری رکھتے ہوئے لیجنڈ امپائر نے کہا کہ بطور وکٹ کیپر کپتان بہترین فیصلے لے سکتا ہے کیونکہ وہ جانتا ہے کہ باؤلر کیا باؤلنگ کروا کر حریف ٹیم پر دباؤ بڑھا سکتا ہے۔

علیم ڈار نے قومی ٹیم کے کپتان اور آئی سی سی ون ڈے رینکنگ میں نمبر ایک بلے باز بابر اعظم کی موجودہ کامیابی کو تسلیم کرتے ہوئے کہا کہ انفرادی کارکردگی اور کپتانی کی مہارت ہی کافی نہیں، کپتان کی بنیادی ذمہ داری ٹیم ورک کو فروغ دینا اور کھلاڑیوں متحد کرنا ہے۔