فیفا کی منظوری سے انگلش فٹبالر عیسٰی سلیمان پاکستان کی نمائندگی کیلیے تیار

پاکستان فٹبال فیڈریشن کو گرین سگنل مل گیا۔25سالہ سنٹر بیک پرتگالی فٹبال لیگ میں یوڈی ولافرینکوئنس کی جانب سے کھیل رہے ہیں،ان کو جونیئر سطح کے کئی ایونٹس میں انگلینڈ کی نمائندگی کا موقع مل چکا ہے.

اس دوران ایشیائی پس منظر رکھنے والے پہلے انگلش کپتان کا اعزاز بھی حاصل کیا،یوریپئن انڈر 19چیمپئن شپ 2017میں انگلینڈ کی ٹائٹل فتح میں بھی ان کا اہم کردار تھا۔ آبائی وطن پاکستان کی نمائندگی کا موقع ملنے پرعیسٰی سلیمان مسرور ہیں.

دوسری جانب پاکستان آئندہ انٹرنیشنل ایونٹس میں ان کے تجربہ اور مہارت سے فائدہ اٹھانے کا شدت سے منتظر ہے۔ پاکستان فٹبال ٹیم کے ہیڈ کوچ شہزاد انور کا کہنا ہے کہ کلب فٹبال کے 142میچز میں شرکت عیسٰی سلیمان کی کھیل سے لگن اور پیشہ ورانہ سوچ کا ثبوت ہے.

وہ کسی بھی ٹیم کیلئے طویل عرصہ تک عمدہ کارکردگی دکھانے کی صلاحیت رکھتے ہیں،کھیل کے تکنیکی پہلوﺅں سے ان کی آگاہی اور مہارت کا ساتھی فٹبالرز بھی فائدہ اٹھائیں گے۔