واٹس نے صارفین کیلئے حیرت انگیز فیچر متعارف کرادیا

واٹس ایپ نے اپنے صارفین کیلئے حیرت انگیز اور شاندار فیچر متعارف کرادیا، نئے فیچر کے ذریعے اب کسی بھی پرائیویٹ چیٹ کو پاسپورڈ یا فنگر پرنٹ کے ذریعے لاک کیا جاسکتا ہے۔

میٹا اپنے صارفین کی سیکیورٹی اور پرائیویسی کو مد نظر رکھتے ہوئے مزید نئے فیچرز متعارف کروا رہا ہے لیکن ان سب میں سے اہم اور ہر شخص کی ضرورت کے مطابق ایک اور شاندار فیچر متعارف کروا دیا گیا ہے۔

مارک زکر برگ نے یہ خوشخبری فیس بک پر جاری پیغام میں سنائی، انہوں نے کہا کہ “ لاکڈ چیٹ“ کے نئے فیچر سے آپ کی گفتگو مزید محفوظ ہوگئی ہے، آپ کسی بھی شخص کے ساتھ ہونیوالی چیٹ پر پاسپورڈ یا فنگر پرنٹ لگا سکتے ہیں۔

انہوں نے کہا کہ لاک کی گئی چیٹ کے نوٹیفکیشن بھی فون پر ظاہر نہیں ہوں گے اور نہ ہی میسج کا متن نوٹیفکیشن میں ظاہر ہوگا۔