ہاکی جونئیر ایشیا کپ;پاکستان نے معروف غیر ملکی کوچ کی خدمات حاصل کرلیں

پاکستان ہاکی فیڈریشن نے جونئیر ایشیا کپ کی تیاری کیلئے معروف کوچ رویلمنٹ آلٹیمنز کی بطور کنسلٹینٹ خدمات حاصل کرلیں۔

رویلمنٹ آلٹیمنزجونیئرایشیا کپ کے لیے بحیثیت کنسلٹنٹ پاکستان جونیئر ہاکی ٹیم کے ساتھ کام کریں گے۔رویلمنٹ آلٹیمنز کی خدمات صرف جونیئر ایشیا کپ کے لیے حاصل کی گئی ہیں۔

جونیئرایشیاء ہاکی کپ 23 مئی تا یکم جون عمان کے شہر صلالہ میں کھیلا جائے گا۔جونیئر ایشیاء ہاکی کپ میں شامل ٹیموں کو دو پول میں تقسیم کیا گیا ہے۔

پول اے میں پاکستان,انڈیا,جاپان, تھائی لینڈ, چائینیز تائی پے شامل ہیں۔ پول بی میں کوریا , ملائشیا,عمان,بنگلا دیش اورازبکستان شامل ہیں۔

پاکستان اپنا پہلا میچ 23 مئی کو چائینیز تائی پے , دوسرا میچ 24 مئی کو تھائی لینڈ کے خلاف کھیلے گا۔

تیسرا میچ 27 مئی کو روایتی حریف بھارت جبکہ 29 مئی کو جاپان کیساتھ کھیلے گا۔