عالمی شہرت یافتہ فٹبالرلائنل میسی اہلخانہ سمیت سعودی عرب میں

عالمی شہرت یافتہ فٹبالر لائنل میسی ان دنوں اپنے اہل خانہ کے ہمراہ سعودی عرب کے دورے پر ہیں، درختوں کی تصاویر کے ساتھ انسٹاگرام پیغام میں انہوں نے لکھا کہ کسے یقین آئے گا کہ سعودی عرب اتنے زیادہ سبزہ زاروں کا مالک ہے۔

سعودی وزیر سیاحت احمد الخطیب نے ارجنٹائن کے اسٹار فٹبالر لائنل میسی کے دورۂ سعودی عرب کا خیر مقدم کرتے ہوئے کہا ہے کہ وہ سعودی عرب کے سفیر سیاحت میسی اور ان کے اہل خانہ کو سیر و سیاحت کیلئے دوسری بار سعودی عرب آمد پر خوش آمدید کہتے ہیں۔

سعودی وزیر سیاحت نے اپنے ٹوئٹر اکاؤنٹ پر میسی اور ان کے اہل خانہ کی تصاویر بھی شیئر کیں۔

دوسری جانب لائنل میسی نے درختوں کی تصویر کے ساتھ انسٹاگرام پر پوسٹ کے کیپشن میں تحریر کیا ہے کہ کسے یقین آئے گا کہ سعودی عرب اتنے زیادہ سبزہ زاروں کا مالک ہے۔

انہوں نے مزید لکھا کہ جب بھی موقع ملے گا میں سعودی عرب کے عجائبات دریافت کرنا چاہوں گا۔

یاد رہے کہ سعودی وزارت سیاحت نے 2022ء کے دوران لائنل میسی کو سعودی عرب کا سیاحتی سفیر مقرر کیا تھا۔