ایران میں حجاب کے بغیر خریداری کرتی خواتین کیساتھ نامناسب رویہ

ایران میں حجاب سے متعلق واقعات میں کمی نہ آسکی۔نامعلوم شخص نے دکان میں خریداری کے لیے آنے والی دو خواتین کے سروں پردہی انڈیل دیا۔

وائرل ویڈیو میں دیکھا جاسکتا ہے کہ بغیر حجاب کے خریداری کرنے کیلئے خواتین دکان میں داخل ہوئیں اسی دوران ایک شخص دکان میں داخل ہوا اور لڑکی سے کچھ گفتگو کی،بعدازاں اس نے دہی لڑکی سمیت خاتون کے سروں پر انڈیل دیا جس کے بعد دکاندار اس شخص کو مارنے کے لیے بھاگا۔

ایران میں مظاہرے،17 افراد ہلاک، امریکا کا اخلاقی پولیس پر پابندی کا اعلان

ایرانی میڈیا کے مطابق حملہ آور شخص سمیت حجاب قانون کی خلاف ورزی پر عدالت نے دونوں خواتین سمیت حملہ آور کے وارنٹ جاری کردیے ہیں۔

خیال رہے کہ 31 مارچ کو سوشل میڈیا پر ایک ویڈیو وائرل ہوئی جس میں دیکھا گیا کہ ایک معمر خاتون اور ایک لڑکی دکان میں داخل ہوئیں،خاتون کے سر پر اسکارف تھا جب کہ لڑکی کے بال کُھلے ہوئے تھے۔

ایران میں ہزاروں گرفتار مظاہرین کیلئے عام معافی کا اعلان

اس حوالے سے ایرانی صدر ابراہیم رئیسی نے کہا کہ اگرکچھ لوگ حجاب کونہیں مانتے تو انہیں قائل کیا جائے، حجاب ایک قانونی ضرورت اور قانونی معاملہ ہے۔

مظاہرین کو اکسانے کے الزام میں سابق ایرانی صدر کی بیٹی گرفتار

خبرایجنسی کےمطابق ایران میں گذشتہ سال حجاب قانون کی خلاف ورزی پر زیر حراست ایرانی لڑکی مہسا امینی انتقال کرگئی تھیں،مہسا امینی کی ہلاکت کےخلاف ایران میں عوامی مظاہرے کئی ماہ تک جاری رہے۔مظاہروں میں ایرانی خواتین حجاب اتار کر احتجاج ریکارڈ کراتی رہیں۔

خیال رہے کہ ایران میں عوامی مقامات پرخواتین کا سرڈھانپنا لازمی ہے۔