فی تولہ سونے کی قیمت میں ایک مرتبہ پھر بڑی کمی

ملک بھر میں فی تولہ سونے کی قیمت میں ایک مرتبہ پھر بڑی کمی ریکارڈ کی گئی۔

تفصیلات کے مطابق بین الاقوامی مارکیٹ میں فی اونس سونے کی قیمت 12 ڈالر کم ہو کر 1 ہزار 969 امریکی کرنسی ہو گئی ہے۔

عالمی مارکیٹ میں قیمتیں کم ہونے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، فیصل آباد سمیت دیگر جگہوں پر فی تولہ سونے کی قیمت میں چار سو روپے کی کمی ریکارڈ کی گئی اور نئی قیمت دو لاکھ آٹھ ہزار 300 ر وپے ہو گئی ہے۔

فی تولہ سونے کی طرح دس گرام سونے کی قیمت میں بھی 343 روپے کی تنزلی دیکھی گئی جس کے بعد نئی قدر 1 لاکھ 78 ہزار 584 روپے ہو گئی ہے۔

سونے کی قیمتوں کے برعکس چاندی کی فی تولہ اور دس گرام قدر میں استحکام ریکارڈ کیا گیا اور قیمتیں بالترتیب 2270 روپے اور 1946.15 روپے کی سطح پر برقرار ہیں۔