قومی کرکٹ ٹیم کے کپتان بابراعظم بھارتی نصاب میں شامل

قومی کرکٹ ٹیم کے کپتان بابراعظم کو بھارتی سرٹیفکیٹ آف سیکنڈری ایجوکیشن آئی سی ایس ای نے آٹھویں جماعت کے سپورٹس نصاب میں شامل کر لیا ہے۔

سماجی رابطے کی ویب سائٹ ٹوئٹر پر ایک پوسٹ وائرل ہورہی ہے جس میں قومی ٹیم کے کپتان بابراعظم کی تصویر بھارت کے نامور کرکٹرزسچن ٹنڈولکر ،ویرات کوہلی اور ایم ایس دھونی کے ہمراہ نصاب میں شامل ہے۔

”بابراعظم 2048 میں وزیراعظم ہوں گے“

آٹھویں جماعت کی سپورٹس کی اس کتاب میں سوال کیا گیا ہے کہ کرکٹرزکو انکی عرفیت سے ملائیں جبکہ جواب میں بابراعظم عرف بوبی بھی درج ہے۔

بابراعظم کے علاوہ دیگر بین الااقوامی کرکٹرز میں جنوبی افریقہ کے اے بی ڈی ویلیئرز اور ویسٹ انڈیز کے کرس گیل شامل ہیں، بھارتی نصاب میں بابراعظم کا تذکرہ دنیا بھر میں ان کی بڑھتی ہوئی مقبولیت کو ظاہر کرتا ہے۔

بابراعظم پر تنقید، امام الحق بھی میدان میں آگئے

اس سے قبل گزشتہ سال بابراعظم کی کورڈرائیو کو نویں جماعت کی فزکس کے نصاب میں شامل کیا گیا تھا۔