پرائیوسی خدشات کے پیش نظراٹلی نے چیٹ جی پی ٹی پر پابندی عائد کر دی

یورپی ملک اٹلی وہ پہلا ملک بن گیا ہے جس نے چیٹنگ کے جدید ترین پلیٹ فارم چیٹ جی پی ٹی کو بلاک کر دیا ہے۔

غیر ملکی میڈیا رپورٹس میں بتایا گیا کہ اطالوی ڈیٹا پروٹیکشن اتھارٹی نے امریکا کے بنائے گئے اوپن اے آئی (آرٹیفیشل انٹیلی جنس) اور مائیکروسافٹ کی حمایت پر مبنی چیٹ جی پی ٹی کے ماڈل سے متعلق پرائیویسی خدشات کا اظہار کیا ہے۔

تحریر سے ویڈیو بنانے والا حیرت انگیزٹول آئندہ ہفتے پیش کیا جائےگا

رپورٹس کے مطابق اطالوی اتھارٹی کا کہنا تھا کہ چیٹ جی پی ٹی پر پرائیویسی خدشات کے تحت پابندی عائد کردی گئی ہے جبکہ اوپن اے آئی کی فوری طور پر تحقیقات کی جائیں گی۔

خیال رہے کہ نومبر 2022 میں لانچ ہونے کے بعد سے لاکھوں لوگوں نے چیٹ جی پی ٹی استعمال کیا ہے۔ یہ پلیٹ فارم قدرتی، انسان جیسی زبان کا استعمال کرتے ہوئے سوالات کا جواب دے سکتا ہے۔

چیٹ GPT کے متبادل 3 ایسے پلیٹ فارمز جو آپ مفت استعمال کرسکتے ہیں

سافٹ وئیر بنانے والی دنیا کی معروف کمپنی مائیکروسافٹ نے اس پلیٹ فارم کو اربوں ڈالر خرچ کرکے تیارکیا ہے، اوراسے گزشتہ ماہ بنگ میں بھی شامل کیا گیا تھا۔

مائیکروسافٹ کی جانب سے یہ بھی کہا گیا ہے کہ وہ اپنے آفس ایپس جیسے مائیکروسافٹ ورڈ، ایکسل، پاورپوائنٹ اور آؤٹ لک میں اس ٹیکنالوجی کا ایک ورژن شامل کرے گا۔

رپورٹس کے مطابق عوامی حلقوں میں مصنوعی ذہانت (AI) سے متعلق دیگر نوعیت کے خدشات بھی پائے جاتے ہیں، جن میں ملازمتوں کے لیے خطرہ اور غلط معلومات اور تعصب پھیلانا شامل ہیں۔