اب گوگل زندگی بچانے میں بھی اہم کردار ادا کرے گا

گوگل سرچ انجن کوروزانہ اربوں افراد روزمرہ زندگی میں مختلف معلومات کے حصول کے لیےاستعمال کرتے ہیں اوراب یہ زندگی بچانے میں بھی بڑاکرداراداکرے گا۔

گوگل کی جانب سے سرچ انجن میں ایک نئے فیچرکو شامل کیا جارہا ہے۔یہ نیا فیچربنیادی طور پر موسمیاتی الرٹ ہوگا جو شدید گرم موسم کے بارے میں لوگوں کو آگاہ کرے گا۔

ڈاکٹر کا لکھا نسخہ اب گوگل سمجھائے گا

گوگل کا بتانا ہے کہ آنے والے مہینوں میں ہیٹ ویوز اور موسمیاتی شدت میں اضافے کی توقع ہے جس سے ہیٹ اسٹروک اوراموات کا خطرہ بڑھ جائے گا۔

مصنوعی ذہانت سے کہیں آپ کی نوکری خطرے میں تو نہیں؟

اسی کو مدنظر رکھتے ہوئے یہ نیا فیچر متعارف کرایا جا رہا ہے جس میں ہیٹ ویوز کے بارے میں تفصیلات فراہم کرنے کے ساتھ ساتھ خود کو محفوظ رکھنے کے لیے مشورے بھی دیے جائیں گے۔

پاکستانی گوگل اسٹریٹ ویو پر سب سے زیادہ کیا سرچ کرتے ہیں؟

گوگل کے مطابق گزشتہ سال ہیٹ ویوز سے متعلق سرچز میں نمایاں اضافہ ہوا تھا اور اب جو صارف شدید گرم درجہ حرارت کے بارے میں تفصیلات جاننے کی کوشش کرے گا، تو اسے بتایا جائے گا کہ ہیٹ ویو کا آغاز اور اختتام کب تک ہوگا یا وہ خود کو محٖفوظ کیسے رکھے۔

یہ فیچر آئندہ چند ماہ میں صارفین کیلئے متعارف کروادیا جائے گا۔