روپے کی قدر میں مسلسل گراوٹ، اداکار شان شاہد کا اظہار افسوس

پاکستان کے سینئر اداکار شان شاہد روپے کی قدر میں مسلسل گراوٹ سے پریشان ہو گئے۔

تفصیلات کے مطابق شان شاہد سمیت پاکستان شوبز کے کئی فنکار ملک کے بگڑتے حالات پر تشویش کا اظہار کرتے دکھائی دے رہے ہیں جبکہ سوشل میڈیا پر عوام کو مہنگائی کے خلاف آواز اُٹھانے کیلئے بیدار کرنے کی بھی بھرپور کوشش کر ہے ہیں۔

اداکار شان شاہد نے انسٹاگرام پر ملکی کرنسی کی درجہ بندی ایتھوپیا سے نیچے ہونے کی خبر شیئر کرتے ہوئے افسوس کا اظہار کیا ہے۔

انہوں نے مزید لکھا کہ واقعی یہ ایک افسوسناک دن ہے۔ ساری زندگی ہم نے ایک بہتر مستقبل کے لیے کام کیا، اور یہ حال؟ یہ وہ مستقبل نہیں ہے جس کا ہم نے تصور کیا تھا۔