فی تولہ سونے کی قیمت میں ہزاروں روپے کا بڑا اضافہ

ملک بھر میں ایک مرتبہ پھر فی تولہ سونے کی قیمت میں ہزاروں روپے کا بڑا اضافہ ریکارڈ کیا گیا۔

تفصیلات کے مطابق بین الاقوامی مارکیٹ میں فی اونس سونے کی قیمت میں دس ڈالر کی بڑھوتری دیکھی گئی اور نئی قیمت ایک ہزار 968 امریکی ڈالر ہو گئی ہے۔

عالمی مارکیٹ میں قیمتیں بڑھنے کے بعد ملکی صرافہ مارکیٹوں لاہور، کراچی، اسلام آباد،پشاور، کوئٹہ، حیدر آباد، سکھر، فیصل آباد، گوجرانوالہ، ملتان سمیت دیگر جگہوں پر فی تولہ سونے کی قیمت میں 2300 روپے کا اضافہ دیکھا گیا اور نئی قیمت دو لاکھ 7 ہزار 900 روپے ہوگئی۔

اُدھر فی تولہ سونے کی طرح دس گرام سونے کے نرخ میں بھی ایک ہزار 973 روپے کا اضافہ دیکھا گیا اور قیمت ایک لاکھ 78 ہزار 241 روپے ہوگئی ہے۔