فی تولہ سونے کی قیمت میں ایک مرتبہ پھر بڑا اضافہ

ایک روز قیمت کم ہونے کے بعد ملک بھر میں سونے کی قدر میں دوبارہ بڑا اضافہ ریکارڈ کیا گیا۔

تفصیلات کے مطابق بین الاقوامی مارکیٹ میں فی اونس سونے کی قیمت میں 7 ڈالر کا اضافہ دیکھا گیا اور عالمی مارکیٹ میں فی اونس سونا 1 ہزار 957 امریکی ڈالر کا ہو گیا ہے۔

عالمی مارکیٹ میں قیمتیں بڑھنے کے بعد ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، فیصل آباد، راولپنڈی سمیت دیگر جگہوں پر فی تولہ سونے کی قیمت میں ایک ہزار روپے کا بڑا اضافہ دیکھا گیا اور نئی قیمت دو لاکھ پانچ ہزار چھ سو روپے ہو گئی ہے۔

اُدھر فی تولہ سونے کی طرح دس گرام سونے کی قدر میں بھی 857 روپے کی بڑھوتری دیکھی گئی اور نئی قدر 1 لاکھ 76 ہزار 268 روپے ہو گئی ہے۔

تاہم فی تولہ اور دس گرام چاندی کی قیمتوں میں ایک مرتبہ پھر استحکام ریکارڈ کیا گیا اور قیمتیں بالترتیب 2250 روپے اور 1929 روپے کی سطح پر برقرار ہیں۔