خیبر پختونخوا میں بارشوں کے باعث چھتیں گرنے سے 4 افراد جاں بحق،متعدد زخمی

خیبرپختونخوامیں حالیہ بارشوں سے مختلف اضلاع میں چھتیں گرنے سے 4 افراد جاں بحق جبکہ 17 افراد زخمی ہوگئے۔

پی ڈی ایم اے کی رپورٹ کے مطابق بارشوں سے صوبے میں 6 مکانات کو نقصان بھی پہنچا ، پی ڈی ایم اے کی جانب سے ضلعی انتظٓامیہ کو امدادی کاروائیاں تیزکرنے کی ہدایت کی گئی ہے۔

دوسری جانب ملک کے مختلف حصوں میں وقفے وقفے سے جاری بارش نے سیاحوں کے لیے رمضان کے مقدس مہینے میں سرد موسم سے لطف اندوز ہونے کے لیے موسم کو مثالی بنا دیا ہے تاہم متعلقہ اداروں نے سیاحوں کی جانب سے سفری ایڈوائزری پر عمل کرنے کی ہدایت کی گئی ہے۔

پاکستان ٹورازم ڈویلپمنٹ کارپوریشن (پی ٹی ڈی سی) کے عہدیدار نے اپنے ایک بیان میں بتایا کہ سیاحوں کو اپنی مہم جوئی کی منصوبہ بندی کرنے والے مری اور ملحقہ علاقوں میں تفریحی سرگرمیوں کے دوران احتیاطی تدابیر اختیار کرنے اور حفاظتی ہدایات پر عمل کرنے کا مشورہ دیا گیا ہے۔

این ڈی ایم اے، موٹر ویز اینڈ ہائی ویز پولیس اور دیگر متعلقہ افاداروں کی طرف سے موسمی صورتحال کے پیش نظر سفری ایڈوائزری بھی جاری کی ہے اور سیاحوں کو پہاڑی علاقوں کا دورہ کرتے ہوئے احتیاطی تدابیر اختیار کرنے کا مشورہ دیا جا رہا ہے۔