مفت آٹے کی فراہمی میں کوتاہی برداشت نہیں کرینگے، وزیراعظم

وزیراعظم شہباز شریف کا کہنا ہے کہ مفت آٹے کی فراہمی اچھی کوشش ہے کسی قسم کی کوباہی برادشت نہیں کی جائے گی۔

وزیراعظم شہباز شریف نے سرگودھا میں مفت آٹا تقسیم سینٹر کا دورہ کیا، مستحقین میں آٹا تقسیم کیا، آٹا سینٹرز کی تعداد میں اضافے کا حکم بھی دیدیا۔

وزیراعظم کہتے ہیں کہ آٹے کی مفت فراہمی میں کسی قسم کی کوتاہی برداشت نہیں کی جائے گی، اچھی کوشش ہورہی ہے مگر لمبی لائن ہیں، آج مسئلے پر میٹنگ کروں گا۔

مزید جانیے : پنجاب: مفت آٹے کا حصول مشکل، خاتون سمیت 2 افراد جاں بحق

وزیراعظم شہباز شریف نے سرگودھا میں آٹے کی مفت فراہمی کے انتظامات کا جائزہ لیا، شہریوں سے براہ راست ان کی شکایات سنیں، آٹے کا معیار بھی چیک کیا۔

وزیراعظم شہباز شریف نے آٹا فراہمی میں بدنظمی کی شکایات پر خود دوروں کا آغاز کیا، گزشتہ روز لاہور اور قصور کے اچانک دورے کئے تھے۔