پی ٹی آئی جلسہ: فیصل آباد پولیس کا موٹر ویز بند کرنے کا فیصلہ

پاکستان تحریک انصاف کے جلسے کے معاملے پر فیصل آباد پولیس نے موٹر ویز بند کرنے کا فیصلہ کرلیا، پولیس کی جانب سے موٹر وے پر کنٹینرز بھی پہنچا دیئے گئے۔

پاکستان تحریک انصاف آج لاہور میں مینار پاکستان پر جلسہ عام کررہی ہے، جس کیلئے تیاریاں زور و شور سے جاری ہیں۔

فیصل آباد پولیس نے پی ٹی آئی کارکنوں کو روکنے کیلئے موٹر ویز بند کرنے کا فیصلہ کرلیا، جس کیلئے پولیس کی بھاری نفری موٹر وے پر تعینات کی جائے گی۔

فیصل آباد پولیس کے مطابق موٹر ویز پر کنٹینرز بھی پہنچادیئے گئے ہیں، کمالپور، ڈپٹی والا اور جڑانوالہ انٹر چینجز پر پولیس کی بھاری نفری تعینات کی جارہی ہے۔

پی ٹی آئی کارکنوں کو روکنے کیلئے فیصل آباد پولیس کی نفری ساہیانوالہ اور امین پور انٹرچینج پر بھی پہنچ گئی ہے۔