آئی ایم ایف نے پاکستان میں انتخابات سےلاتعلقی کا اظہارکر دیا

عالمی مالیاتی فنڈ(آئی ایم ایف ) نے پاکستان میں انتخابات سے لاتعلقی کا اظہار کرتے ہوئے کہا ہےکہ پاکستان میں آئینی سرگرمیوں میں مداخلت کی کوئی ضرورت نہیں ۔

ایک بیان میں پاکستان میں آئی ایم ایف کی نمائندہ ایسترپیریز نے ملک میں انتخابات کے معاملےسےاظہارلاتعلقی کرتےہوئے کہاکہ انتخابات کی آئینی حیثیت اوروقت کافیصلہ پاکستانی اداروں پرمنحصر ہے۔

انہوں نے کہاپاکستان میں آئینی سرگرمیوں میں مداخلت کی کوئی ضرورت نہیں،آئی ایم ایف مجموعی طورعام حکومتی اہداف کا تعین کرتا ہے۔

نمائندہ آئی ایم ایف ایسترپیریز نے کہاکہآئینی سرگرمیوں کیلئےترجیحی اخراجات اوراضافی محصولات کی گنجائش موجودہے۔

واضح رہے کہ الیکشن کمیشن آف پاکستان (ای سی پی) نے گزشتہ روز پنجاب میں30 اپریل کو ہونے والے عام انتخابات کو ملتوی کر دیا تھا۔

الیکشن کمیشن کی جانب سے کہا گیا تھا کہ اب الیکشن 8 اکتوبر 2023ء کو ہوں گے جس کا شیڈول بعد میں جاری کیا جائےگا۔