بابراعظم دی ہنڈریڈ ڈرافٹنگ کیلئے شائقین کرکٹ کے سب سے فیورٹ امیدوار

قومی کرکٹ ٹیم کے کپتان بابراعظم دی ہنڈریڈ ڈرافٹنگ کے لئے شائقین کرکٹ کے سب سے فیورٹ امیدوار بن گئے۔

دی ہنڈریڈ آرگنائزنگ کمیٹی نے ڈرافٹنگ کیلئے مداحوں کے ساتھ مقبول ترین کھلاڑیوں کا تعین کرنے کیلئے سروے کروایا، قومی کرکٹ ٹیم کے کپتان کو مداحوں نے 25 فیصد ووٹ دیکر فیورٹ بنوایا۔ شاہین آفریدی 8 فیصد، محمد رضوان 4 فیصد مداحوں کے ووٹ حاصل کرنے میں کامیاب ہوسکے۔

دی ہنڈریڈ ٹورنامنٹ میں بابراعظم، شاہین آفریدی اور محمد رضوان کی بولی کم از کم 2 کروڑ 76 لاکھ سے زائد پاکستانی روپے میں لگنے کا امکان ہے۔ فاسٹ باؤلر محمد عامر، حارث رؤف اور نسیم شاہ 22 لاکھ سے زائد پاکستانی روپے کی ریزرو قیمت پر ڈرافٹنگ میں شامل ہوں گے۔

پاکستان کی 8 خواتین کرکٹرز نے بھی ہنڈریڈ لیگ کے لیے رجسٹریشن کروارکھی ہے، فاسٹ باؤلر ڈیانا بیگ دوسرے نمبر پر مہنگی ترین کھلاڑی ہیں، جویریہ رؤف 18,750 پاؤنڈ کی ریزرو قیمت کے ساتھ ڈرافٹنگ کا حصہ ہیں۔

ارم جاوید، ندا ڈار، فاطمہ ثناء، عروج شاہ، منیبہ صدیقی اور ماہم طارق نے بھی اس مسودے کے لیے دستخط کیے ہیں جس کی کوئی ریزرو قیمت نہیں ہے۔

یاد رہے کہ گزشتہ برس ڈرافٹ میں کپتان بابراعظم کی بولی نہیں لگائی گئی تھی کیونکہ ٹورنامنٹ کے دوران پاکستان کو بین الاقوامی میچز کھیلنا تھے۔