رمضان کا مہینہ صرف روزے نہیں بلکہ بہتر انسان بننے کا وقت ہے، جمائما
پاکستان تحریک انصاف (پی ٹی آئی ) کے چیئر مین اور سابق وزیراعظم عمران خان کی سابقہ اہلیہ جمائما گولڈ سمتھ نے کہا ہے کہ رمضان کا مہینہ صرف روزے نہیں بلکہ بہتر انسان بننے کا وقت ہے۔
تفصیلات کے مطابق جمائما گولڈ سمتھ کو رمضان المبارک کے آغاز کیساتھ ہی پاکستان میں گزارے رمضان کی یاد ستانے لگی۔
سماجی رابطے کی ویب سائٹ ٹویٹر پر ایک بیان میں انہوں نے لکھا کہ پاکستان میں گزرا رمضان میرا سب سے پسندیدہ وقت تھا، یہ مہینہ صرف روزے کا نہیں بلکہ نیک نیتوں اور بہتر انسان بننےکا وقت ہے۔
عمران خان کی سابقہ اہلیہ نے لکھا کہ ماہ صیام میں فضول باتوں، قسموں اور جھوٹ بولنے سے گریز کیا جاتا ہے، مقدس مہینہ غوروفکر، خیرات، رحم دلی، درگزر اور خاندان کے ساتھ گزارنے کا بہترین وقت ہے۔
اپنے ٹویٹ کے آخر میں انہوں نے مسلمانوں کو رمضان کی مبارکباد بھی پیش کی۔
