گولڈ لون اسکینڈل: جعلی کیسز کی تیاری میں ملوث جیولری شاپ پر چھاپہ

ایف آئی اے کی نجی بینک گولڈ لون اسکینڈل تحقیقات میں پیشرفت ہوئی ہے، صارفین کے 106 جعلی کیسز کا تخمینہ مرتب کرنیوالے ملزم کی گلبہار میں واقع جیولری شاپ پر چھاپہ مارا گیا، جہاں سے بینک کیلئے مرتب تخمینوں کی دستاویزات، چیک بکس اور جعلی زیورات برآمد کرلئے گئے۔

بینک لون اسکینڈل میں ایف آئی اے کی تحقیقات جاری ہیں، ایف آئی اے اینٹی منی لانڈرنگ سرکل کے ہاتھوں گرفتار ملزم محمد حسن اختر منی لانڈرنگ میں بھی ملوث ہے، درج مقدمے کے مطابق ملزم کی جعلسازی سے نجی بینک کو 400 ملین کا نقصان ہوا۔

ایف آئی اے نے کراچی کے علاقے گلبہار میں صارفین کے 106 جعلی کیسز کا تخمینہ مرتب کرنیوالے ملزم کی دکان پر چھاپہ مارا، کارروائی میں بینک کیلئے مرتب تخمینوں کی دستاویزات، چیک بکس اور جعلی زیورات برآمد کئے گئے ہیں۔

ایف آئی اے ٹیم نے جعلی گولڈ صارفین کو تخمینوں کے عوض جاری رقم کے اعداد شمار اور دیگر ریکارڈ بھی تحویل میں لیا گیا۔