سماء ٹی وی کے معروف اینکرپرسن ندیم ملک کو ستارہ امتیاز سے نوازدیا گیا

صحافت میں اعلیٰ خدمات پر سماء ٹی وی کے معروف اینکر پرسن ندیم ملک کو ستارہ امتیاز سے نوازا گیا۔

یوم پاکستان پر ایوان صدر میں منعقد ہونے والی تقریب میں سینئر صحافی ندیم ملک کو صحافت میں اعلیٰ خدمات پر ستارۂ امتیاز سے نوازا گیا۔ صدر مملکت ڈاکٹر عارف علوی نے صحافی ندیم ملک کو میڈل پہنایا۔

تقریب میں سول سوسائٹی، صحافت، کھیل اور دیگر شعبوں سے منسلک افراد کو بہترین کارکردگی دکھانے پر ستارۂ امتیاز سے نوازا گیا۔