عاطف اسلم کے یہاں بیٹی کی پیدائش

عاطف اسلم نے اپنے سوشل میڈیا اکاونٹ پر بیٹی کی تصویر شیئر کی لکھا کہ ان کی بیٹی اور اہلیہ سارہ خیریت سے ہیں، ساتھ ہی گلوکار نے دعاؤں کی اپیل بھی کی۔

پاکستان کے نامور گلوکار عاطف اسلم کے یہاں بیٹی کی پیدائش ہوئی۔ گلوکار نے اپنے انسٹاگرام اکاونٹ پر اپنی بیٹی حلیمہ کی تصویر کو شیئر کیا۔ تاہم انہوں نے بچی کے منہ کو چھپاتے ہوئے تصویر پر لکھا بیوٹی سلیپ

اس تصویر پر عاطف نے لکھا کہ بلاآخر انتظار ختم ہوا ، میرے دل کی نئی ملکہ آگئی ہے۔ سارا اور بی بے خیریت سے ہیں الحمداللہ ۔ ساتھ ہی عاطف نے لکھا کہ ہمیں اپنی دعاوں میں یاد رکھیں ۔ عاطف اسلم نے اپنی بیٹی کی جانب سے رمضان کی مبارک باد بھی دی ۔ گلوکار نے اپنی بیٹی کا نام حلیمہ رکھا۔

پوسٹ شیئر کرنے کے ساتھ ہی عاطف کو شوبز کے کولیگز اور ان کے سوشل میڈیا فولورز کی طرف سے مبارک باد دی جارہی ہے۔

عاطف اسلم کی سارہ بھروانہ سے شادی29 مارچ 2013 کو ہوئی ۔ ان کی شادی کے اگلے ہی برس بیٹے عبدل احد کی پیدائش ہوئی ۔ جبکہ دسمبر 2019 میں ان کے گھر دوسرا بیٹا آریان ہوا۔

رمضان 2023 کے پہلے ہی روزے کو عاطف اسلم کے یہاں ان کی پہلی بیٹی حلیمہ کی ولادت ہوئی ۔